Berekraftig utvikling som tverrfagleg tema skal gjere deg i stand til å forstå utfordringane vi står overfor, og gi deg verktøy, slik at du kan bidra til å løyse dei. Miljø, økonomi og sosiale forhold blir knytte saman i problemstillingar som handlar om mellom anna klima, forbruk og teknologi.

Opp gjennom historia har vi utvikla teknologi som har løyst mange problem for oss. Slik vil det vere i framtida òg – på same tid som teknologiutvikling kan skape nye problem. Med kunnskap om teknologi kan vi forstå og løyse problema, og bruke han til å få ei berekraftig utvikling.