Vurderingar heilt opp til målstreken

Etter at du har gått gjennom alle alternativa og vurdert dei opp mot kvarandre, er tida kommen for å ta ei avgjerd. På dette tidspunktet har du som forbrukar danna deg eit rimeleg klart bilete av alternativet du vil gå for. Likevel gjer du kanskje nokre siste, stadfestande undersøkingar for å vere heilt trygg på at du har valt riktig. Du spør kanskje ekspeditøren i butikken ein ekstra gong, eller du høyrer med ein venn som har mykje kunnskap, berre for å vere sikker på at du ikkje har oversett viktig informasjon. Deretter gjer du sjølve kjøpet.