Både som kokk og servitør må du ha god kunnskap om råvarer og produksjon. Kokken må få fram den beste smaken frå råvarene og dermed gi gjesten ei god matoppleving. Servitøren skal også informere gjesten om menyen og allergen, og må derfor ha god greie på innhaldet i retten.

Kjøt er ein del av det daglege kosthaldet til dei fleste her i landet. Det er næringsrikt og gir ei god mettheitskjensle.