I restaurant- og matfag må du heile tida tenkje på hygiene. Kunnskapen din og haldningane dine til hygiene er avgjerande for å kunne servere trygg mat. Vi har eigne lover og forskrifter for næringsmiddel som handlar om at vi ikkje skal utsetje oss sjølve eller andre for sjukdom gjennom mat/drikke.

Alle som jobbar med mat er ansvarleg for at maten som blir servert er trygg å ete. Når du jobbar med mat, er det derfor viktig at du har kontroll på alle farar og truslar som kan oppstå. HACCP er eit system som skal hjelpe deg med nettopp dette.