I restaurant- og matfag må du heile tida tenkje på hygiene. Kunnskapen din og haldningane dine til hygiene er avgjerande for å kunne servere trygg mat. Vi har eigne lover og forskrifter for næringsmiddel som handlar om at vi ikkje skal utsetje oss sjølve eller andre for sjukdom gjennom mat/drikke.

Som yrkesutøvar i restaurant- og matfagbransjen må du heile tida tenkje på hygienen. Både god personleg hygiene og god kjøkkenhygiene er nødvendig for å unngå at bakteriar og andre mikroorganismar blomstrar opp og fører til at personar du lagar mat til, blir sjuke.