Grafteikning med digitale verktøy

I Geogebra kan vi teikne grafen til funksjonar ved å skrive funksjonsuttrykket rett inn i inntastingsfeltet. Dersom vi ønskjer å avgrense området grafen skal teiknast i, kan vi bruke kommandoen "Funksjon(<Funksjon>, <Start>, <Slutt>)". Dersom vi skriv S(t)=Funksjon(160t,0,100) i inntastingsfeltet, får vi òg spesifisert at funksjonen skal ha namnet $S$.

Bruk knappen «Flytt grafikkfeltet» for å plassere koordinatsystemet i ønska posisjon, og dra i koordinataksane for å få dei ønska avstandane.

Frå algebrafeltet kan du «dra» funksjonsuttrykket over til grafikkfeltet.

Opne bilete i eit nytt vindauge

CC BY-NC-SA

Bilete: Olav Kristensen

Høgreklikk på ein ledig plass i grafikkfeltet og vel «Grafikkfelt...» for å setje «Namn» på aksane. Her kan du óg setje «Avstand» på aksane om du ikkje er nøgd med automatikken.

Vi kan finne talet på sprungne meter etter til dømes $10$ minutt og $50$ minutt, både grafisk og ved rekning.

Grafisk skriv vi $\left(10, S\left(10\right)\right)$ og får punktet
$$ A\left(10, 1 600\right)$$. Dette viser at talet på sprungne meter etter $10$ minutt er $$ 1 600$$.

Ved rekning bruker vi CAS og får til dømes
$$ S\left(50\right)=8 000$$, som viser at talet på sprungne meter etter $50$ minutt er $$ 8 000$$.