Set deg i kantina eller eit anna rom der elevar og andre oppheld seg. Finn ein gunstig utkikkspost, og vel deg ut ei gruppe du meiner er interessant. Noter det du ser: kven dei er, kva dei gjer, kva dei snakkar om, om dei har ein spesiell klesstil og så vidare.
Målet er å få eit overblikk over situasjonen eller gruppa. Få med deg så mykje som mogleg, og skriv notata dine i ei formell og objektiv form. Du skal ikkje leggje dine eigne meiningar inn i dette, du skal berre observere det som hender.
Hugs notat, og at læraren din skal godkjenne arbeidet før du går i gang med observasjonen. Dette er for å vareta forskingsetiske retningslinjer.
Kor lang tid du bruker på observasjonen, varierer etter kven eller kva du observerer. Nokre gonger er det lett å finne informasjon, men andre gonger må ein bruke litt tid for innhente det ein er ute etter. Det som er viktig, er at du bruker den tida du treng.