Observasjonen må godkjennast
Skjult observasjon er feltarbeid eller undersøkingar der vertskap og forskingsobjekt ikkje er klare over at ein studerer dei. Denne typen observasjonar er vanlegvis ikkje godteke i det antropologiske miljøet.
Ein av grunnane er at antropologar ikkje skal gi seg ut for å vere noko anna enn dei er. Det handlar med andre ord om forskingsetikk. Forskingsobjekta har rett til å nekte å bli utsette for studium. For at denne retten i det heile tatt skal bli varetatt, må vertskapet vere klare over at antropologen observerer dei.
Forskaren må derfor innhente samtykke. Vertskapet skal både vite om og ha godkjent undersøkinga. Når det er gjort, utfører ein såkalla open observasjon.
Kva for problemstillingar trur du kan oppstå når ein antropolog utfører skjult observasjon?
Vi kan vidare dele observasjon inn i fleire underkategoriar, men vi skal fokusere spesielt på to former for observasjon: deskriptiv og fokuserte observasjonar. Kva trur du desse metodane inneber?