Samfunnsvitskaplege arbeidsmetodar er rutinane for korleis samfunnsforskarar går fram for å beskrive, undersøkje og tolke hendingar i samfunnet. Dei samfunnsvitskaplege arbeidsmetodane blir delte i to hovuddelar: ein kvantitativ og ein kvalitativ metodedel.

Når du vil undersøkje noko for å få informasjon om ei større gruppe menneske, brukar du gjerne kvantitativ metode. Når du brukar kvantitativ metode, samlar du inn data om menneske og analyserer desse dataa. Vi bruker matematiske omgrep når vi analyserer data vi samlar inn.