Fotografering
Ved å fotografere kan du gjengi modellen eller produktet nøyaktig og ta bilete av modellen både i ulikt miljø, ulikt lys og frå ulike vinklar. Ved hjelp av moderne digital fototeknikk kan du også enkelt plassere produktet ditt inn i kva omgivnader du ønskjer. Foto kan også fortelje om materiale og fargar.
"Be the camera" er ein online kamerasimulator (bethecamera.com). Finn ut korleis du kan ta spanande bilete ved å endra innstillingane for blendaråpning, lukkartid og ISO-verdiar på kamera ditt.
Video
Dersom du brukar video (rørlege bilete), kan det hjelpe deg til å beskrive formene på produktet ditt. Volumet kjem tydelegare fram, og lys og skuggeverknader hjelper dessutan til. Kamerarørsler kan vere med på å illustrere den praktiske bruken av produktet.