Modell

Opne bilete i eit nytt vindauge

CC BY-SA

Bilete: Hanna Sandsmark

Ofte er det best å synleggjere idéen din ved å vise han i form av ein modell. Ein modell kan også tydeleggjere materiale, fargar og overflatestrukturar.

Modellar kan lagast av papp, tre, plast eller andre materiale, avhengig av kva som vil eigne seg best for å framstille idéen din. Målet med å lage ein modell er å vise idéen, og det er derfor viktig å lage han så lik som du ser for deg det ferdige produktet.

Begrensa bruk

Bilete: NTB scanpix, Shutterstock

For eksempel lagar arkitektar eller ein interiørkonsulent ofte modellar i eit materiale som heiter arkitektpapp eller kapapapp. Dei kan visualisere idéane sine med ein modell, der både interiør, fargar og materiale blir presentert. Målestokk er eit viktig verktøy å bruke i eit slikt arbeid, det vil gje eit betre og meir verkeleg inntrykk av modellen.

Opne bilete i eit nytt vindauge

CC BY-NC-SA

Bilete: Matthias Balk

I den nyare tida er det og blitt vanleg å lage modellar ved å bruke 3D-printerar. Prosessen legg til lag for lag nytt materiale i flytande form eller pulverform, og fikserer dette i den ønskte konturen. Prosessen blir styrd av eit dataprogram, og fordelen med 3D-printing er at ein ut frå ei 3D-datafil kan lage ein fysisk del raskt og kostnadsgunstig, utan bruk av støypeverktøy.

Ved å bruke 3D-printer kan du få med alle små detaljar, og du kan i tillegg få ut eit produkt som har ein funksjon.