På denne sida finn du ei samlig av både film og tekstar om det å kunne bestemme over eige liv.
Brukarstyrd personleg assistent (BPA) er ei ordning som er særleg lagd til rette for menneske med omfattande funksjonsnedsetjingar. I prinsippet omfattar ordninga dei same tenestene som ordinære helse- og omsorgstenester – som hjelp til stell, pleie, måltid, fritidsaktivitetar og alle andre nødvendige kvardagslege gjeremål. (Lars Sandlie/ Høgskolen i Lillehammer, Wench Heir)
| | |
Utfordringar til deg
Sjå filmane på sida og les fagstoffet du finn under relasjonar før du gjer oppgåvene under.
Oppgåver til: Kva er brukarstyrd personleg assistent (BPA)?
- Forklar med eigne ord kva brukarstyrd personleg assistanse er.
- Kven kan få BPA?
- I kva for ei lov er BPA heimla?
- Kva står det i lova om BPA?
- Er det nokon som vanskeleg kan gjere seg nytte av ordninga med BPA? Grunngi svaret.
- Kva trur du er fordelane med BPA? Grunngi svaret.
- Kva for nokre ulemper kan det vere med BPA?
- Bruk kunnskapen du har om BPA og drøft påstanden: "Det er viktig å bestemme over sitt ege liv."
- Beskriv kva ei hjelpeverje er?
- Tenk at du sjølv kom i ein situasjon der du blei lam. Du måtte sitje i rullestol og trong hjelp med alt du skulle gjere. Kva ville vere viktig for deg i ein slik situasjon?
- Følg lenkja og sjå filmene "Brukerstyrt personlig assistanse" og "Brukermedvirkning og verdighet".
- Kva tankar gjer du deg etter at du har sett filmene?
- Skriv eit samandrag av innhaldet i filmene.
Relatert innhald
CC BY-SASkrive av Marit Smith Sørhøy, Lars Sandlie/Høgskolen i Lillehammer, Guri Bente Hårberg, Wenche Heir og Gro Nedberg Grønlid.
Sist fagleg oppdatert 27.04.2017