Wenche er saman med to elevar som har lese- og skrivevanskar og høyrleskadar. Dei har vanskeleg for å lese korte ord som «kvar», «når», «bil» og liknande. Det gjer det ofte problematisk for dei i kvardagen.
I undervisninga bruker vi bokstavkort, nettsider og liknande hjelpemiddel som fokuserer på lesing. Vi legg ofte opp til spel og aktivitetar som hjelper elevane med å lese og skrive samtidig som det aukar interessa for læring.
Oppgåva mi i desse timane er å rettleie elevane i å setje saman bokstavar, uttale ord, og lære lydar og mimikk.
Eksempel
Patrik har store høyrslevanskar, og dette gjer at han har problem med å uttale ulike lydar. Til dømes er det vanskeleg å skilje mellom m og n. Han seier «banse» i staden for «bamse».
Eg hjelper Patrik med å skilje mellom lydane ved å gjere ulike øvingar. For eksempel skal han leggje saman leppene når han skal seie bokstaven m. Når han skal seie n, skal han leggje tungespissen mot underkanten av tennene i overdelen av munnen.