Bygda Vittula har tromma saman til fest. Du går inn i rolla som ordførar og skal halde ein kort tale der du trekk fram dei beste sidene ved bygda di. Føremålet med talen din er å skape begeistring og overtyde folk i bygda om at dei bur på ein fantastisk plass!
Oppdrag
- Les utdraga frå Mikael Niemi sin roman Populærmusikk fra Vittula .
- Skriv talen og framfør han for klassen.
Bruk prinsippet om "den gylne handa" når du skriv talen din:
Prinsippet vart først brukt av dei gamle greske retorane (talarane), men det er like nyttig i dag. "Den gylne handa" vil seie at du skal ha like mange moment som det er fingrar på ei hand. Då disponerer du innhaldet slik:
- innleiing (eitt moment)
- hovuddel (tre moment)
- avslutning (eitt moment)
Sist faglig oppdatert 23.01.2019