Her har vi samla alle skjønnlitterære tekstar og saktekstar som blir brukte i faget. Tekstane er sorterte etter sjanger.

Dei fleste tekstane vi les, er saktekstar. Felles for saktekstane er at dei handlar om røyndomen, om verda vi lever i. Utover dette kan saktekstar vere svært ulike. Alt frå matoppskrifter, tryggleiksinstruksar, møtereferat og nyheitsartiklar til brev, kåseri og essay er saktekstar.

Essayet er ofte omtalt som ei vandring i eit tema der den som skriv bevegar seg i eit hovudemne, men vekslar mellom subjektive meiningar, refleksjonar, sitat og saksopplysningar. Kåseriet liknar essayet, men tek for seg kvardagslege tema og bruker ofte munnleg språk, humor og ironi som verkemiddel.