Språk, kultur og identitet heng saman. Språket formar oss, og vi formar språket. Derfor er det viktig å kunne forstå sin eigen og andre sin språklege situasjon i Noreg. Lær om kva som skjer når språk møtest, og utforsk kva for språk som blir snakka i Noreg.

Behandlinga til den norske stat av dei minoritetsspråklege har ikkje vore noko å skryte av. Det har ført til at det å snakke samisk, kvensk eller romani har vore sett på som skamfullt. Men i dag er mange stolte av å ha minoritetsidentitet og -språk. Det kan vere redninga for minoritetsspråka.