World Wide Web er i dag ei sentral kommunikasjonsflate for oss. Opne oppmerkingsspråk og tallause verktøy gir oss fleksibilitet til å lage tilpassa og unike nettsider og tenester. Felles standardar sikrar at nettsidene og innhaldet er lett tilgjengeleg for alle i verda med nettilgang.

Å lage nettsider frå grunnen av gir stor fridom, men krev mykje arbeid. Eit enklare alternativ er å bruke eit eksisterande publiseringsystem (CMS) og malar for å lage nettsida. Slike verktøy gjer det lett for mindre bedrifter og privatpersonar å ha trygge og fine dynamiske nettsider.