Gïele, kultuvre jïh identiteete tjuerieh ektesne vuajnalgidh. Gïele mijjem, goh aalkoe-almetjh, hammode. Dan åvteste vihkele saemiej gïele-tsiehkiej bïjre lïeredh, dovne guktie aerebi jïh guktie daelie. Vihkele jïjtse jïh jeatjebi gïele-tsiehkiem guarkedh.

Gïele soptseste gïeh mijjieh, gubpede båetebe, guktie jielebe, mejnie barkebe jïh gïem sijhtebe årrodh. Identiteete lea dïhte, mij mijjiem veadta jeatjabidie almetjidie jïh seabradahkese, jïh nænnoste gie mijjieh, mehtie maadtoste, mehtie fuelhkeste jïh mehtie seabradahkeste.