HMS handlar om å vareta helsa og sikkerheita til både seg sjølv og andre. Dette omfattar arbeidsmiljø, kvalitet på produkt og tenester, dyrevelferd og miljøomsyn knytte til utføringa av arbeidsoppgåver.

Skulemiljøet skal fremje helse, trivsel og læring. Opplæringslova krev at skulen aktivt og systematisk jobbar for å skape eit godt psykososialt miljø, der kvar enkelt skal oppleve tryggleik og sosial tilhøyrsle. Lova inneheld òg krav til skulen sitt fysiske miljø.