Kva er eit likviditetsbudsjett?
Vi må setje opp eit resultatbudsjett for å kunne utarbeide eit likviditetsbudsjett. Grunnen er at det eine budsjettet byggjer på det andre. Mens resultatbudsjettet har fokus på inntekter og kostnader, bruker vi innbetalingar og utbetalingar i likviditetsbudsjettet. Vi må ta utgangspunkt i inntektene for å kunne budsjettere innbetalingane. Det same gjeld kostnadene og utbetalingane.
Sjå samanlikninga mellom resultatbudsjettetog likviditetsbudsjettet nedanfor:
Skilnaden mellom inntekter og innbetalingar er berre ei tidsforskuving. Det vil seie at dersom kundane har 30 dagars betalingsvilkår, vil salet vårt i januar bli til innbetalingar i februar, osv. Sjå skissa nedanfor:
Sal i månad | Innbetalt i månad | |||
|---|---|---|---|---|
februar | mars | april | ||
januar | 750 000 | 750 000 | ||
februar | 830 000 | 830 000 | ||
mars | 790 000 | 790 000 | ||
Ein annan skilnad mellom inntekter og innbetalingar kan vere meirverdiavgift. Det skjer når omsetninga vår er avgiftspliktig. Vi legg då til meirverdiavgift på prisane. I så fall ville oversynet ovanfor sett slik ut:
Sal i månad | Innbetalt i månad | ||||
|---|---|---|---|---|---|
utan mva | med mva | februar | mars | april | |
januar | 750 000 | 937 500 | 937 500 | ||
februar | 830 000 | 1 037 500 | 1 037 000 | ||
mars | 790 000 | 987 500 | 987 500 | ||
Vi må altså budsjettere alle innbetalingane frå kundane for heile året, månad for månad. På same måten må vi budsjettere alle utbetalingane til leverandørane for heile året, månad for månad. Vi må òg ta med utbetalingane til personalet (lønn) og andre faste kostnader. Her må vi ikkje gløyme utbetalingar til å dekkje meirverdiavgift, arbeidsgivaravgift, forskotstrekk, avdrag på lån osv.
Likviditetsbudsjett for VVS-spesialisten
Dette er vist i oversynet for firmaet VVS-spesialisten nedanfor. Oppsettet gjeld januar og februar månad. Vi tek utgangspunkt i bankinnskotet i førstninga av perioden. Når vi reknar ut summen av alle innbetalingane minus summen av alle utbetalingane, får vi eit innbetalingsoverskot (eller -underskot) for perioden. Dersom vi legg til eller trekkjer frå bankinnskotet i førstninga av perioden, finn vi bankinnskotet i slutten av perioden. Denne summen blir IB i neste periode.
VVS-spesialisten | januar | februar |
|---|---|---|
IB på bankinnskotet per første dag i månaden | 50 000 | 100 000 |
Innbetalingar frå kundane | 1 300 000 | 1 275 000 |
– utbetalingar til vareleverandørar | 600 000 | 575 000 |
– utbetalingar til personale/lønn | 250 000 | 250 000 |
– utbetalingar for andre faste kostnader | 340 000 | 350 000 |
– utbetalingar til ev. mva. og avdrag | 60 000 | 50 000 |
= | 50 000 | 50 000 |
= UB på bankinnskotet per siste dag i månaden | 100 000 | 150 000 |
Eit slikt oversyn må lagast for alle månadene. Dette er enkelt å gjere i eit rekneark, og vi kan då vise utviklinga grafisk. Kontroller også tala mot grafen nedanfor:
Skilnad mellom resultatbudsjett og likviditetsbudsjett
Her følgjer eit oversyn over kva som høyrer heime i eit resultatbudsjett, og kva som høyrer heime i eit likviditetsbudsjett. Tala er henta frå Morten og Minoos support.
Resultatbudsjett | Likviditetsbudsjett | ||||
|---|---|---|---|---|---|
Salsbudsjett (inntekter) | 275 000 | Innbetalingar frå kundar | 300 000 | ||
Varekostnadsbudsjett | 25 000 | Utbetalingar til leverandørar | 27 000 | ||
Faste kostnader
| 90 000 | Utbetalingar av faste kostnader og anna
Sum utbetalingar av faste kostnader og anna | 223 000 | ||
| 28 000 |
| 0 | ||
Resultat | +4 000 | Likviditetsoverskot/-underskot | +50 000 | ||
Legg særleg merke til skilnaden mellom inntekter og innbetalingar og mellom kostnader og utbetalingar.