Sverre arbeider som logistikkoperatør på sentrallageret for ei elektronikkjede som berre driv nettsal.
Etter kvart som kundane handlar på nettet, tek Sverre ut kundeordrar. Varene er lagra i reolar som er delte inn i hyller, som i sin tur er delte i fag og lokasjonar. Kvar vare har si eiga lageradresse på forma reolnummer, hyllenummer, fagnummer, lokasjonsnummer. Sverre veit derfor akkurat kvar vara er, når han får opplyst lageradressa.
For å lette plukkinga sorterer datasystemet dei aktuelle varene i stigande nummerrekkjefølgje. Sverre slepp derfor å køyre i sikksakk for å plukke varer.
Når Sverre har plukka varene, merkjer han dei med eit unikt sendingsnummer og skannar dette nummeret. Deretter genererer datasystemet automatisk ein e-post som går til kunden. Ved hjelp av sendingsnummeret kan kunden sjølv spore pakken.
Forslag til øving
Du arbeider på eit lager for ein nettbutikk og skal plukke ein ordre. Forklar framgangsmåten.