Eit luftig og flott sukkerbrød er eit perfekt utgangspunkt for å lage blautkake og marsipankake, men kan òg nyttast til andre kaker og dessertar.
Sukkerbrød blir laga av ein piska masse. Piska massar består av egg, sukker, mjøl og eventuelt bakepulver.
Framgangsmåte:
- Pisk romtempererte egg og sukker til stiv eggedosis.
- Sikt mjøl og bakepulver for hand, bland varsamt ved å "løfte" inn mjøl og bakepulver med ein sleikjepott.
- Ikkje rør for mykje, då risikerer du at lufta blir slått ut att og at massen fell saman.
- Smør kakeforma og steik kaka i omnen.
- Avkjøl kaka i forma før du losnar ho.
Video
Denne videoen viser korleis vi lagar eit sukkerbrød.
CC BY-SASkrive av Jannike Gausdal.
Sist fagleg oppdatert 19.10.2020