Alle som tar del i arbeidslivet har rettar og plikter som dei må setje seg inn i. Det finst lover og avtaleverk som regulerer kva ein arbeidsgjevar kan krevje av deg, og kva du kan krevje av ein arbeidsgjevar. Dei fleste av desse reglane gjeld, sjølv om du ikkje er fagutdanna eller arbeider full tid.
Gjennom dette vesle forskingsprosjektet kan du setje deg inn i kva for rettar arbeidstakarar har og kvifor folk vel å bli medlem av ein fagorganisasjon. Sommarpatruljen til LO erfarer ofte at unge arbeidstakarar ikkje set seg inn i dei reglane som gjeld. Her kan du gjere eigne undersøkingar blant ungdom – kanskje vil dine funn vise noko anna?
Problemstilling: Kjenner ungdom til dei rettane dei har som arbeidstakarar?
Forskingsspørsmål
For å belyse problemstillinga kan du stille desse spørsmåla:
- Er skuleungdommar klar over dei rettane dei har som arbeidstakarar i sommarjobbar og deltidsarbeid?
- Har dei arbeidskontrakt?
- Løner det seg å være organisert?