Til våtrom og utandørs montering av straumførande installasjonar er det krav om at begge greiner (L og N) skal brytast. Vi bruker då ein 2-pola brytar.
Skjult installasjon
Dette skjemaet viser plasseringa av effektuttak og korleis røyrføringa er i ein skjult installasjon. Hugs at når eit takpunkt blir nytta som lampepunkt, vil varmeavgivinga frå lampa gi høgare omgivnadstemperaturar enn ein har rekna med. Temperaturen kan bli mellom 40 °C og 50 °C, og då må vi bruke reduksjonsfaktorar for straumføringsevna til kabelen.
Effektuttak kan vere lampepunkt, stikkontaktar og så vidare.
Open installasjon
Dette skjemaet viser plassering av effektuttak og korleis kabelføringa er i ein open installasjon.
Koplingsskjema
I denne typen skjema namnset vi dei ulike komponentane med nummer i stigande rekkjefølgje. Døme:
2-pola brytar innfelt: S16/2-i
2-pola brytar på vegg: S16/2-p