Aktuell dokumentarfilm om falske nyheiter, og om kva slags konsekvensar dette fenomenet kan ha for samfunnet.
Om filmen
I tillegg til å vere eit unikt globalt kommunikasjonsverktøy, har internett også blitt ein arena for såkalla "fake news", eller falske nyheiter. Falske nyheiter blir stadig meir vanleg, og det kan vere vanskeleg å skilje falske nyheiter frå truverdig journalistikk.
I staden for å byggje på fakta, inneheld falske nyheiter løgner, desinformasjon eller propaganda. Falske nyheiter blir spreidde raskt på internett gjennom sosiale medium.
Filmen drøftar kva for konsekvensar falske nyheiter har for samfunnet. Han ser òg på korleis vi kan oppdage og motverke falske nyheiter.
CC BY-SASkrive av Tina Andersson. Rettshavar: Norgesfilm AS
Sist fagleg oppdatert 18.08.2022