Mellom 1348 og 1351 herja svartedauden i Noreg. I løpet av to år døydde over helvta av folkesetnaden i landet. Filmen skildrar to personar sin skjebne i møte med den dødbringande pesta.
Handlinga
Ein dødeleg bakterie invaderer Noreg. Det finst ingen vaksine. Menn, kvinner og barn døyr over natta. Gardar blir lagde øyde. Legane fell som fluger, og i byane går folk i prosesjon og ber om Gud si tilgiving.
Dokumentaren ser pandemien gjennom Åsa og Alv sine auge. Det er Laura Christina Brøvig Vallenes og Ole Bernt Tellefsen som tolkar rollene som Åsa og Alv.
Om filmen
Dokumentaren formidlar historia om svartedauden gjennom dramatiseringar kombinert med intervju med fagfolk innan samfunnsforsking, arkeologi, historie og medisin. Produksjonen involverte over 300 statistar.
CC BY-SASkrive av Kristian Landmark og Ole Tellefsen. Rettshavar: Norgesfilm AS
Sist fagleg oppdatert 21.06.2019