Reklamehistoria viser oss at reklamen i aviser og vekeblad har endra seg vesentleg frå 1850 og fram til i dag. I denne oppgåva skal de gjere greie for kva desse endringane går ut på, og tenkje dykk korleis ein annonse for ei bestemt vare vil komme til å sjå ut i framtida.
Oppgåve 1
- Gjer reie for dei viktigaste endringane i innhald og utforming av norsk reklame frå 1850 og fram til i dag.
- Korleis speglar dei ulike forskjellane du finn endringar i samfunnet i denne tidsperioden?
- Kva fortel det om medieutviklinga og endringar i folk sin mediebruk dei siste hundre åra?
Oppgåve 2
Drøft følgjande påstand i klassen eller i mindre grupper:
- Reklamen frå 2000-talet har større påverknadskraft enn reklamen på 1800- og 1900-talet.
Oppgåve 3
Vel ein eldre reklame der produktet står i fokus og ein nyare reklame som fokuserer på produktet i bruk eller opplevingar knytte til produktet.
Beskriv korleis dei to produkta er utforma.
- Kva er likt?
- Kva er ulikt?
Oppgåve 4
Jobb saman to og to. Vel ei vare og beskriv korleis ein reklame for denne vara vil sjå ut når dykk er 50 år gamle.
CC BY-SASkrive av Albertine Aaberge.
Sist fagleg oppdatert 20.04.2018