Klassen din skal, i samarbeid med den lokale kinoen, gjennomføre ein filmfestival for skulane i nærområdet. De skal få elevar til å levere film til konkurransen, og til å møte opp på prisutdelinga.
De har sett opp eit filmprogram i samarbeid med den lokale kinoen. Gjennom samarbeidet har de fått billegare billettar mot at de marknadsfører programmet og billettprisane. De er også blitt lova å få 5 prosent av billettinntektene.
- Lag skisse til ein produksjonsplan for ein film som skal promotere filmfestivalen.
- Lag skisse til ein kommunikasjonsplan.
- Set opp eit budsjett for kommunikasjonsarbeidet og marknadsføringa de må gjere i samband med filmfestivalen.
- Skal de hente inn sponsormidlar?
- Treng de å trykkje eit program?
- Skal de setje inn annonse i lokalavisa eller på FB, dele ut løpesetlar på skulane?
- Diskuter korleis de skal sikre at rekneskapen endar ut i balanse.
- Presenter skisser og argument til klassen.
CC BY-SASkrive av Albertine Aaberge.
Sist fagleg oppdatert 11.07.2017