Oppgåver og aktivitetar

Biometrisk teknologi

Dette er saka:

Biometriske data blir stadig meir brukt
På Gardermoen testar ein ut automatisk passkontroll med ansiktsgjenkjenning.

Ansikt som skannes — [b]INTERAKTIV GRAFIKK: [/b]Klikk på biletet.

Ressursar:

Kjent igjen på Gardermoen

Fakta om ansiktsgjenkjenning

Forskning.no

Begrenset anti-terroreffekt

Visste du at

Noreg innførte e-pass som standard 3. oktober 2005?

Biometrisk pass — Både fingeravtrykket og ansiktsfotoet er biometriske kjenneteikn som – saman med namn, fødselsnummer og signatur – er lagra digitalt på ei brikke på den laminerte sida der passbiletet er. Fingeravtrykket er berre lagra i passet, ikkje i nokon database.

Kan du svare på dette?

Kva er biometrisk teknologi?
Kva er biometriske kjenneteikn?
Kva meiner ein med ansiktsgjenkjenning?
Korleis fungerer ansiktsgjenkjenning?
Kva er formålet med å innføre eit system for biometrisk gjenkjenning?
Kva for sikkerheitstiltak finst det på ein flyplass?

Drøft i klassa

Biometriske data blir stadig meir brukt. Det blir nytta i sikkerheitskontrollen på flyplassar og er på full fart inn i bransjar som til dømes bank, finans, helsesektor og spelbransjen, for å nemne nokre. Hensikta er å avdekkje bedrageri, falskneri og identitetstjuveri.

Forkjemparar for personvern kritiserer teknologien fordi dei meiner at personlege opplysingar kan misbrukast. Drøft denne problemstillinga i klassa:

Kva meiner de er fordelar og ulemper med bruk av ein slik teknologi?
Vil vi ha det? Skapar det eit overvakingssamfunn eller bidreg det til auka sikkerheit?

Illustrasjon som viser biometrisk sikkerhet

Gruppeoppgåve

Gå saman i grupper på tre – fire personar.

Vel ut fem offentlege personar (til dømes politikar, artist, kjendis, idrettsutøvar).

Lag ei liste med ansiktskjenneteikn på vedkomande.
Les desse opp for resten av klassa som skal prøve å gjette kven de har valt.

Tips: Det kan vere nødvendig å oppgi kjønn, bransje og kanskje annan informasjon for å hjelpe dei andre litt på veg.

CC BY-NC-SASkrive av Hege Røyert, Bjørn Hugo Pettersen og Hanne-Lisbet Løite. Rettshavar: NTB

Sist fagleg oppdatert 29.11.2017