Sentralt i emnet:
Ulike ventiltypar
- stengjeventil
- sluseventil
- tilbakeslagsventil
- fjernoperert ventil
- manuell ventil
Offshore blir det ført væske i ulike system gjennom installerte røyr, mellombelse røyr og manifoldar og fleksible slangar. Alle røyrsystema er knytte til tank, pumpe og ventilar. Mellom tankar, pumpar og manifold er det ulike typar ventilar.
I denne samlinga av tekstar og bilete fokuserer vi på informasjon om eit utval av dei ventilane du kan møte i jobben din offshore. Her dekkjer vi ikkje sikringsventilar som fungerer som brønnbarrierar.
Handbok om ventilar
Norsk olje og gass har laga ei handbok der dei omtaler ulike typar ventilar, oppbygning og funksjon og namn på ventilane og delane i ventilane. Handboka forklarer korleis ventilane blir utsette for krefter og slitasje, og korleis ventilane kan opererast og haldast ved like.
Open/stengd-ventilar:
- sluseventil (gate)
- kuleventil (ball)
- spjeldventil (butterfly)
- pluggventil
Reguleringsventilar:
- seteventil (globe)
- nåleventil (needle)
- membranventil (diaphragm)
- tilbakeslagsventil (check)
- strupeventil (choke)
Filer
Fjernopererte ventilar
Nokre ventilar blir opererte mekanisk, det vil seie at vi snurrar på eit ratt eller vrir ein hendel. Andre ventilar blir opererte frå eit panel og styrte med luft eller hydraulikkvæske. Ein fjernoperert ventil kan bevegast ved hjelp av ein posisjonsregulator. Her kan du setje deg inn i korleis dette fungerer.
Les meir om reguleringsventilen, og fordjup deg i korleis reguleringa fungerer.
Oppslag på nettet
Wikipedia har ei veldig god oversikt om ventilar. Der finn du gode skisser og forklaringar. Lenkja fører til ei side på engelsk, noko som gir deg høve til å bli betre kjend med omgrep som er relevante i fagmiljøet.
Les meir om ventilar på Wikipedia.
Hydraulisk- og pneumatisk-opererte ventilar
Alle store ventilar som blir opererte frå eit panel, blir opererte ved hjelp av anten lufttrykk, hydraulisk væsketrykk eller ein kombinasjon av hydraulikk, pneumatikk og elektriske signal.
Her er litt om desse ventiltypane.