Security og safety
Om du skal arbeide på ein flyplass eller ved ein oljebase, vil du møte dei to omgrepa «safety» og «security». Det er stor forskjell på desse to sidene av sikkerheitsarbeidet i ei bedrift.
«Security» dreier seg om tilsikta uønskte handlingar. Terror, sabotasje, tjuveri og ran vil vere omfatta av omgrepet.
«Safety» dreier seg om utilsikta uønskte hendingar. Omgrepet omfattar uhell og hendingar som i mange bedrifter kan få fatale følgjer. Om ein uvitande besøkjande tenner ein sigarett på ein flyplass eller ein oljebase, forstår vi at det inneber stor fare. På same vis kan safety omfatte passordvern av ein PC eller det å bere vernehjelm.
Gradering av sannsyn
For å berekne risiko kan du setje sannsyn inn i ein tabell. Då må du setje eit tidsmål på kor ofte hendingane kan ventast å inntreffe.