Handling
Filmen handlar om Leith, ein liten og trygg stad i Nord Dakota, med berre 24 innbyggjarar. Høgre-ekstremisten Craig Cobb begynner å kjøpe opp tomter i området. Cobb tilhøyrer ei ekstremistisk, kvit makt-rørsle som er kjend for å vere svært valdeleg.
Cobb flyttar så til Leith med planer om å gjere staden om til ein kvit, nasjonalistisk by. Han oppfordrar også andre rasistiske nasjonalistar til å flytte. Om nok folk flyttar, er planen at ekstremistane kan overta den politiske makta på den litle – og ein gong så rolege – staden.
Nærværet til nynazistane truar no både freden og lokalbefolkninga i Leith.
Filmprisar
Filmen har vunne ei rekkje prisar på filmfestivalar verda over – blant anna prisen for beste dokumentar ved East End Filmfestival UK, Grand jury prize ved Independent Film Festival Boston og Special jury award ved Florida Film Festival.