Kampen om tungtvannet

Begrensa bruk

Bilete: SF Norge, Norgesfilm AS

• Kampen om tungtvannet episode 1
• Kampen om tungtvannet episode 2
• Kampen om tungtvannet episode 3
• Kampen om tungtvannet episode 4
• Kampen om tungtvannet episode 5
• Kampen om tungtvannet episode 6

Den tyske nobelprisvinnaren i fysikk, Werner Heisenberg, er leiar for det tyske atomprogrammet. Han treng tungtvatn til atomreaktoren han har fått i oppdrag å byggje. Den einaste måten Tyskland kan få tak i tungtvatn på, er å kjøpe frå fabrikken til Norsk Hydro på Vemork på Rjukan.

Vitskapsmann og motstandsmann Leif Tronstad blir uroa då han får høyre at tyskarane ønskjer å kjøpe tungtvatn. Saman med engelsk etterretning set Tronstad saman ei sabotasjegruppe som skal forsøke å sprengje tungtvassanlegget.

Sabotørane og dei allierte blir etterpå involverte i ei rekkje dramatiske aksjonar då dei prøver å hindre at tyskarane får tak i det verdifulle og farlege tungtvatnet.

Serieskaparane som har laga Kampen om tungtvannet, har tillate seg nokre kunstneriske fridomar for å få historia til å fungere som TV-serie. Dette ser vi ved at nokre av hendingane blir vist annleis i serien enn slik det verkeleg gjekk føre seg.

Serien eignar seg godt til tverrfaglege oppgåver og diskusjonar i historie og mediefaga. Eit døme kan vere å opne for diskusjonar i klassen om korleis verda hadde sett ut i dag om Nazi-Tyskland hadde kome lenger i forskinga si på atomvåpen under andre verdskrigen. Og vidare, om vi ved å vektleggje kjeldekritiske prinsipp, kan seie at TV-serien framstiller dei faktiske historiske hendingane på ein påliteleg måte.