Ein privatist skal opp til ein skriftleg eksamen i kvart av programfaga. Dette er eit eksempel på ein lokalgitt eksamen i faget bransjeteknikk.
Eksamensoppgåve
Du er tilsett i ei bedrift som handterer gods av ulik utføring og innhald, og med moderne hjelpemiddel som truck og løftebord.
- Kva bør inngå i den daglege kontrollen av ein truck?
- I det daglege arbeidet ditt tek du imot gods/varer som er merkte med ulike symbol og merke. Gjer greie for dei ulike dokumenta, symbola og faresetlane som kan følgje med dei ulike vareslaga.
- Du får i oppdrag å organisere innhenting av 3 pallar med miljøbensin. Bensinen er i kanner à 25 liter, og det er 20 kanner på kvar pall. Gjer greie for korleis du vil handtere dette oppdraget.
- På lageret oppstår det ei uønskt hending med personskade. Korleis vil du handtere ein slik situasjon?
CC BY-SASkrive av Morten Gunnar Plassen.
Sist fagleg oppdatert 11.02.2022