Hummar
Hummar må vere levande når vi kjøper han.
Avliving av hummar
Metode I
Kok opp vatn og legg hummaren, med hovudet først, ned i det fosskokande vatnet. Hummaren blir drepen med ein gong.
Metode II
Pakk hummaren i plast og legg han på fryserommet i 2 timar. Hummaren mister gradvis bevisstheita og døyr. Legg deretter hummaren i kokande vatn.
Metode III
Legg hummaren på rist i ein fiskekjele. Slå kaldt vatn over og varm raskt opp til 35 °C. Då er hummaren bedøvd. Legg han så over i kokande vatn.
Metode IV
Legg hummaren i kaldt saltvatn med 350 g salt per liter vatn. Etter 5–6 minutt er hummaren bedøvd og kan leggjast over i kokande vatn.
Langust
Koking og oppdeling av langust
Langust skal kokast og behandlast som hummar.
Kreps
Koking av kreps
Kok ein lake av:
- 10 liter vatn
- 400 g grovt salt
- 2 buntar dill
- 3 sukkerbitar
Legg krepsen levande i den kokande laken og trekk i 8–10 minutt. Avkjøl krafta raskt til 10 °C.
Reker
Reker blir selde både rå og kokte.
Sjøkreps
Sjøkrepsen blir seld både levande og kokt.
Koking av sjøkreps
Legg sjøkreps i kokande vatn tilsett 40 g salt per liter og trekk i 4–10 minutt.