Tenk deg at du er elev ved Thor Heyerdahl vidaregående skole i Larvik. Arena Larvik – som ligg vegg i vegg med skulen – skal arrangere éin av tre delfinalar i Melodi Grand Prix. Du og klassen din skal vere frivillige vakter under arrangementet. Som ein del av førebuingane til det ber læraren dykk om å gjennomføre ein risikoanalyse for arrangementet.
De skal gjennomføre ein risikoanalyse etter denne oppskrifta:
- Kartlegg uønskte hendingar.
- Vurder sannsynet for at den uønskte hendinga skal skje.
- Vurder konsekvensane av den uønskte hendinga dersom ho skulle skje.
- Beskriv risikonivået.
- Foreslå sikringstiltak (tiltaksplan).
Oppgåva kan enten leverast som ein rapport i Word til læraren, eller ho kan framførast ved hjelp av PowerPoint.
Uansett kva presentasjonsform de vel, er det viktig å bruke eit skjema for risikovurdering som har gode skildringar av sannsyn og konsekvens for alle dei uønskte hendingane.
Filer
I den relaterte artikkelen nedst på sidan kan du friske opp kunnskapane om korleis du gjennomfører ein risikoanalyse.