Her skal du sjå korleis truckane er delte inn i klassar. Du skal også få vite litt om den sertifiserande opplæringa du treng for å køyre gaffeltruck.
Truck – eit viktig hjelpemiddel
Då trucken blei vanleg i Noreg rundt 1950, blei det opprør blant hamnearbeidarane. Dei som arbeidde med lasting og lossing, særleg i hamnene, frykta for jobbane sine, og dei fekk rett. Likevel ville eit arbeidsliv utan truckar (gaffeltruckar) vore utenkjeleg i dag.
Inndeling i klassar
Blant anna:
- T1 – skyvetruck, plattformtruck, palltruck
- T2 – skyvemasttruck, støttebeinstruck
- T3 – svinggaffeltruck, høgtløftande plukktruck, førarløftande truck
- T4 – motvektstruck
- T5 – sidelastar
Desse klassane har løfteevne til og med 10 tonn. Truckar med løfteevne over 10 tonn kallar vi stortruckar.
Sertifisering
Truckane krev sertifiserande opplæring. Du må då gå på eit kurs for å skaffe deg truckførarbevis og lære å bruke trucken korrekt. Viss du klikkar på lenkja «Sertifisert tryggleiksopplæring» finn du eit oversyn over den sertifiserande opplæringa. Klikkar du vidare på boksane, finn du læreplanar og mål for opplæringa.
CC BY-SASkrive av Per Haukeberg. Rettshavarar: NKI Forlaget og Amendor AS
Sist fagleg oppdatert 25.11.2018