Lengde
Vi bruker lengdeeiningane meter (m), centimeter (cm) og millimeter (mm).
Vi har denne samanhengen:
1 m = 100 cm = 1 000 mm
Volum
Volumet av eit kasseforma kolli:
volum = breidde x lengde x høgde
Vi bruker volumeiningane kubikkmeter (m3) og liter (l).
Vi har denne samanhengen:
1 m3 = 1 000 l
Masse (vekt)
Vi bruker masseeiningane kilogram (kg) og tonn (t).
Vi har denne samanhengen:
1 t = 1 000 kg
Eigenvekt
Eigenvekta til eit stoff er det same som tettleiken til stoffet. Ho fortel oss kor mange kg ein liter av stoffet veg, eller kor mange tonn ein kubikkmeter (m3) av stoffet veg. Einingane er kg/l eller t/m3.
Eigenvekta, eller tettleiken, til vatn er 1, fordi 1 l vatn veg 1 kg, og 1 m3 vatn veg 1 t.
Tettleiken til granitt er 2,7, fordi 1 m3 granitt veg 2,7 t.
Kraft
Vi bruker krafteininga newton (N). I samband med sikring av last bruker vi av og til også eininga dekanewton (daN). Vi har denne samanhengen:
1 daN = 10 N
Veg du 50 kg og henger deg etter armane i ei stong, vil det verke ei kraft på 500 N, eller 50 daN, nedover.
SHF og STF
Standard handkraft, SHF, er den krafta som blir brukt på handstrammaren for å oppnå STF, som er strammekrafta i bandet.