Grunnsausane blir delte inn i varme grunnsausar og kalde grunnsausar. Her skal vi sjå nærare på kalde grunnsausar.
Kalde grunnsausar kan delast inn i:
- sausar av olje/eddik
- sausar av majones
- sausar av crème fraîche, rømme og yoghurt
- andre kalde sausar
- aromatisert smør
Sausar av olje/eddik
Bland to delar matolje og éin del vineddik. Til denne blandinga tilset vi litt temperert vatn for å stabilisere emulsjonen og så dei smaksstoffa og det garnityret som gir sausen smak og namn.
Sausar av majones
Bruk hurtigmiksar og køyr egga saman med dei tørre ingrediensane. Spe raskt med olje. Smak til med eddik.
Sausar av crème fraîche, rømme og yoghurt
Hovudingrediensane blir tilsette smaksstoff som krydderurter, krydder, grønsaker, vin og sitronsaft.
Andre kalde sausar
Dette er sausar som ikkje har ei felles nemning.
Aromatisert smør
Rør smøret kvitt og tilset smaksstoff. Set til avkjøling. (Smøret kan òg sprøytast ut i porsjonstoppar.)
Relatert innhald
CC BY-NC-SASkrive av Ketil Lyngvær.
Sist fagleg oppdatert 17.06.2019