Slangeagurk
Det finst mange typar agurk, men mest vanleg i handelen er slangeagurken, også kalla salatagurk. Han er avlang, mørkt grøn og rund i forma, og smaken er mild og god. Fruktkjøtet er kvitt, saftig og mjukt. Agurk er utan tvil ei av dei grønsakene som blir mest eten her i landet, og han blir dyrka i Noreg heile året.
Bruksområde
Agurk kan nyttast til salat i mange variantar, kutta i skiver eller terningar. Agurk blir også nytta som pålegg på smørbrød saman med ost, tomat, kaviar og så vidare. Til fiskeretter og pasta er agurk ei mykje nytta grønsak.
Næringsinnhald
Agurk er mager kost og blir med sine 10 kaloriar per 100 g rekna som god slankemat. Han inneheld mykje vatn og har låg næringsverdi, men inneheld likevel noko A- og C-vitamin i tillegg til kalsium og jern.
Sjå Matvaretabellen frå Mattilsynet for nærare opplysningar om næringsinnhaldet.
Kvalitetskrav
Agurk skal vere mørkegrøn i fargen og fast i konsistensen. Skalet er lett knudrete eller glatt. Agurk skal vere velforma og ikkje for sterkt bøygd. Han skal også vere fri for prikkar og mjuke flekker.
Film om dyrking av agurk ved Solberg Gartneri (frå Opplysningskontoret for frukt og grønt).
Hugselappen
Sesong:
Norsk sesong på friland: april–oktober. Blir dyrka året rundt i veksthus.
Med andre ord:
latin: Cucumeris
engelsk: cucumber
tysk: Gurke
fransk: concombre
Lagring:
12° C. Agurken tek skade av både lågare og høgare temperaturar. Pakkar du agurken i plast, vernar du han mot uttørking og etylenpåverknad.