Asparges, grøn

Opne bilete i eit nytt vindauge

CC BY-NC-SA

Bilete: Magnar Kirknes

Grøn asparges blir ikkje tildekt under dyrking, og han får grønfargen fordi han veks fram over jorda i sollys. Smaken er mild og fin. Tjukkleik og lengd kan variere noko frå land til land.

CC BY-NC-ND

Bilete: Opplysningskontoret for frukt og grønt

Asparges kan kokast og blir eten som forrett eller hovudrett. Han har svært aromatisk og fin smak og eignar seg derfor godt som tilbehøyr til steikt og røykt kjøt og i fiskeretter. Den nedste delen av stilken, ca. 1–2 cm, skal kuttast av før koking. Asparges må koke i 3–5 minutt avhengig av tjukkleiken. Det er ein fordel å bunte asparges saman med hyssing under koking. Då er det lettare å halde dei heile.

CC BY-NC-SA

Bilete: Rolf M Aagaard

Det er dei unge skota på aspargesen som blir nytta i mat. Dei er om lag 10–15 cm lange.

CC BY-SA

Bilete: Amendor AS

Aspargesskota skal vere rette i forma og faste i konsistensen. Stilken skal vere saftfull, frisk og sprø, mens toppen skal vere tett og heil. Asparges skal ikkje vere treen eller ha mørke flekker. Storleiken på aspargesen seier ikkje noko om kvaliteten på vara.

Asparges er svært kalorifattig. Han inneheld noko kalsium, jern og fosfor i tillegg til A- og C-vitamin. Grøn asparges har dessutan større næringsverdi enn kvit. Asparges verkar vassdrivande.

Sjå Matvaretabellen frå Mattilsynet for nærare opplysningar om næringsinnhaldet.