Mangold
Mangold er ein bete (vert òg kalla for bladbete), ein nær slektning av raudbete, men det er blada som vert brukte som grønsak. Blada heng saman som ein bladrosett, eller eit laust hovud. Dei er om lag 20 cm lange, mørkegrøne med tjukke kvite stilkar.
Utsjånaden kan minna om kinakål, men blada er lengre og smalare. Mangold har ein saftig og mild smak, og kan minna om spinat. Det finst ein mindre variant av mangold, der blada, som ikkje vert større enn 8–10 cm, blir vert lause.
Bruk
Liten mangold bruker vi om lag på same måte som spinat: Blada kan steikjast, smørdampast eller stuast. Dei tjukke stilkane på vanleg mangold vert mest brukte som kokt grønsak, dei kan vera litt bitre og er ikkje gode i rå tilstand. Den grøne delen av blada kan brukast rå i salatar, men vert oftast brukt steikt, på same måte som spinat. Mangold er fin å bruka i wok.
Næringsinnhald
Mangolden er som andre grønsaker med sterke fargar rik på vitamin og mineral.
Sjå matvaretabellen for nærare opplysningar om næringsinnhald.
CC BY-SASkrive av Anette Eikild Larsen.
Sist fagleg oppdatert 13.05.2018