Raudlauk

Raudlauk set eit fint fargepreg i rå salatar og elles dei fleste andre stader der vi nyttar vanleg gul lauk. Vi nyttar gjerne raudlauk i retter der vi ønskjer ein mildare smak, og han kan fint etast ubehandla. Du kan gjerne eksperimentere litt med raudlauken, til dømes ved å blande han med andre laukar og grønsaker. Den er òg god i silderetter.

Vi kan sylte raudlauken og nytte han til grillmaten, tacoen eller kva vi måtte ønskje.

Oppskrift på sylta raudlauk (frukt.no).

CC BY-SA

Bilete: Darwin Bell

Raudlauk er mild på smak, men inneheld ein kraftig antioksidant, noko som indikerast av den skarpe raudfargen. Den hjelper til med å førebyggje diabetes, hjarte- og karsjukdommar og nokre former for kreft. Det er dei delane av lauken med mest farge som inneheld flest antioksidantar. Du kan sjå på biletet at kjernen i lauken er lys, medan dei ytste laga har ein djup raudfarge. Det er sunt å ete mykje lauk. Gjer det til ein vane å ha han med blant ingrediensane når du lagar mat.

Raudlauk inneheld som annan lauk noko A-, B- og C-vitamin i tillegg til mineral.

Sjå Matvaretabellen frå Mattilsynet for nærare opplysningar om næringsinnhaldet.