Molter
Mange reknar molta som dronninga mellom dei viltveksande bæra. Det er viktig at bæra ikkje vert plukka for tidleg, men ferdig mogna om hausten, for at konsistens og smak skal vera riktig utvikla. Friske molter vert for det meste selde i spann.
Bruksområde
Molter vert etne naturelle med fløyte og sukker eller som moltekrem. Molter kan også nyttast som kakefyll, i fromasj, pai eller som syltetøy. Molter kan gjerne frysast ned for seinare bruk.
Kvalitetskrav
Friske molter skal vera reine og mogne med god gulfarge. Det skal ikkje finnast gjæring, mugg eller ròte på dei.
Næringsinnhald
Molter inneheld A- og C-vitamin og mineral.
Sjå Matvaretabellen frå Mattilsynet for nærare opplysningar om næringsinnhaldet.
Hugselappen
Norsk sesong:
August-september
Med andre ord:
Latin: Rubus chamaemorus
Engelsk: Cloudberries
Tysk: Moltebeeren
Fransk: Plaquebière
Lagring:
0-1 ºC. Molter inneheld benzosyre. Dette gjer dei nærmast sjølvkonserverande. Det betyr at dei kan lagrast lenge. Bæra bør oppbevarast så nær null grader som mogleg, slik at dei ikkje byrjar å gjære. Molter er ømtålige for all slags behandling, og dei blir fort blaute.