Hopp til innhald

Vitamin K

Vitamin K er naudsynt for å starte koaguleringsprosessen i blodet. Kroppen er med andre ord avhengig av vitamin K for å kunne stanse blødingar raskt.
Krema spinat med rømme i ei skål. Foto.
Opne bilete i eit nytt vindauge
Gode kjelder til vitamin K er grøne bladgrønsaker som spinat, kål, brokkoli og rosenkål.
CC BY-NC-SA
Bilete: Barbara Lutterbeck

Kroppen har berre eit lite lager av vitamin K, og det meste finst i levra. Spedbarn får tilskot av vitamin K rett etter fødselen fordi tarmbakteriane ikkje har rokke å produsere vitaminet, og fordi morsmjølk inneheld lite av det.

Mangel

Mangel på vitamin K gjer at blødingstendensen aukar. Antibiotika drep tarmbakteriar, og det kan derfor oppstå vitamin K-mangel etter bruk av slike legemiddel. Stort inntak av vitamin A og vitamin E kan òg føre til mangel på vitamin K.

Kjelder til vitamin K

Vitamin K finst i mange matvarer, og med eit normalt kosthald får vi vanlegvis i oss nok vitamin K. Lever og grøne grønsaker er dei viktigaste kjeldene, og i tillegg kan bakteriar som lever i tarmen, lage vitaminet.

CC BY-NC-SASkrive av Øyvind Bønes og Nils H. Fløttre.
Sist fagleg oppdatert 17.06.2019