Døme på kromosommutasjon
Feil som oppstår ved celledeling
Når kromosomtalet skal halverast og kjønnsceller dannast, hender det at ein proteintråd ryk, slik at begge kromosoma i eit par blir med til den eine sida.
Hos mennesket vil då dei to kjønnscellene som blir danna, få høvesvis 22 og 24 kromosom i staden for at dei deler likt og får 23 kromosom kvar.
Menneske med Downs syndrom er ofte korte av vekst og har svært mjuke ledd. Dei har og ei forsinka utvikling, men det er store individuelle variasjonar.
Trisomi 21 / Downs syndrom
Downs syndrom er eit eksempel på ein kromosommutasjon der ei kjønnscelle med to eksemplar av kromosom nr. 21 har smelta saman med ei ordinær kjønnscelle, slik at det til samen blei tre eksemplar av kromosom nr. 21.
Downs syndrom blir derfor kalla trisomi 21.
Det finst fleire døme på syndrom som skuldast feil kromosomtal.