Eksempel på stoffkrinsløp

Offentleg eige

Bilete: Ben Mills

Ei bjørk tek opp karbondioksid (kjemisk formel CO₂) under fotosyntesen og lagrar karbonet som cellulose.

Bjørka blir hogd til ved. Når ho blir brend, vil karbonet i cellulosen reagere med oksygen og frigjerast som CO₂ igjen.

Potetplanter i ein åker tek opp CO₂ under fotosyntesen og lagrar karbonet mellom anna som stivelse.

Du et potet, og i fordøyinga blir stivelsen broten ned til glukose (druesukker). Glukose blir lett teken opp i muskelcellene.

Når du trenar, blir glukosen broten ned til energi og CO₂ som du pustar ut. Karbondioksid er igjen tilgjengeleg for planter som driv fotosyntese.

CC BY-SA

Bilete: Ingvald straume

Prøv å følgje eit vassmolekyl gjennom fleire organismar!