Salatar
I dag finst eit stort utval salatsortar i butikkane. Frå at salat var ein trend som skaut fart med kinakålen og isbergsalaten i 1980-åra, et no kvar nordmann over 5 kg salat i året. Det er forbruket av spesialsalatane som aukar mest. Dei siste ti åra har det auka med heile 15 prosent kvart år.
Vi deler salat inn i to grupper. Den eine er Lactuca sativa, som omfattar vanleg hovudsalat, isbergsalat og fleire andre sortar. Felles for desse salatane er at dei alltid har ein mild og fin smak.
Den andre gruppa er Cichorium, som omfattar mellom anna radicchio rosso, eskaroll og frisée. Felles for salatane i denne gruppa er den meir eller mindre bitre smaken.
Bland gjerne salat med frukt for å få ein frisk smak. Du kan til dømes bruke mango. Det er kjempelett og kjempegodt.
Oppskrift på mangosalat (Bama).
Sjå Matvaretabellen frå Mattilsynet for nærare opplysningar om næringsinnhaldet.
Hugselappen
Norsk sesong:
Frisk salat er tilgjengeleg heile året.
Med andre ord:
latin: Lactuca sativa og Chicorium
engelsk: lettuce
tysk: Salat
fransk: laitue
Lagring:
2–4 ºC i kjøleskåpet, helst pakka inn i plastpose eller plastboks