Hopp til innhold

  1. Home
  2. Åarjelsaemien voestesgïeline BF jïh SRChevronRight
  3. Aamhtese-tjaaleghChevronRight
  4. Aamhtese-tjaaleghChevronRight
  5. Bovtsh ïentjine!ChevronRight
TasksAndActivitiesOppgaver og aktiviteter

Oppgave

Bovtsh ïentjine!

Daennie sæjrosne laavenjasse lohkeme-tjaalegasse. Albert Jåma vuesiehtimmie-tjaalegem Bovtsh ïentjesne tjaaleme, maam gærjeste Gorredh gïelem veedtjeme.

Reinsdyr på beite. Foto.

Bovtsh ïentjine!

Mijjieh båantah vïssjehtovveme bovtsijste. Mahte fïerhten biejjien bovtsh ïentjide båetieh, kruehkieh jïh gåatoeh. Ij amma lijsh saemide ringkedh hojjedh, eah gujht læjhkan dallah båetieh. Mahte nubpien biejjien, jïh dellie barre goh måsnoeh mijjese, barre goh mijjen skålta bovtsh ïentjine. Tsælloeminie aaj, jiehtieh ij gujht bovtsh naan skåårhpesjimmiem ïentjide darjoeh gosse daelvie.

Manne gujht buerebe daajram bovtsh gujht tjarke skåårhpesje gosse gellie tjuetieh ïentjide dievhtieh. Die gujht vaenebe kraesijste geasan sjidtieh. Saemieh tjuerieh aelkedh buerebe ryöjnesjidh. Mov lea paehpere mesnie tjåådtje daate jåarta lea mov. Jis mov kluhterh kraannaj ïentjide båetieh, dellie tjoerem dallegh debpede narhkelidh. Jis im, dellie byötesovvem, jïh mahte aaj roestegåatam. Mannasinie baajedh saemiej bovtsh maaksohth mov kraesijste gåatodh?

Jis eah saemieh dan bïjre eavedh, tjoerebe mijjieh båantah darjodh goh dejpeli: bovtside skåahtestalledh, jïh saemide vuemijste vaeride aeskiehtidh gusnie govlesuvvieh. Jis lidie gïemhpe, mejtie maehtede debpene luhpiem årrodh.

Båanta[1]

1. laavenjasse

Lohkh lohkeme-tjaalegem jïh vaestedh gyhtjelasside.

  1. Man bïjre daate lohkije-tjaalege?
  2. Maam båanta aamhtesen bïjre meala?
  3. Bijjie-baakoe hijven? Nåake? Buerkesth!
  4. Gïese tjaala?
  5. Datne vïenhth ulmie-dåehkie gïelehtåvva? Man åvteste? Man åvteste ij?

2. laavenjasse

Vaestedh lohkeme-tjaalegem maam Båanta tjaaleme.

Veeljh aktem daejstie råållijste:

  • båanta
  • pensjoniste mij 70 jaepien båeries
  • bovtseburrie
  • saemien lohkehtæjja
  1. 1«Gorredh gïelem». Granefjell, Aasta Joma Jåma, Albert Joma, Liv Karin. Fylkesmannen i Nordland. 2004.

Læringsressurser

Aamhtese-tjaalegh