Klaasse-tjiehtjielisnie hijven sijjie gusnie maahtah saemiestidh. Desnie maahtah soptsestidh, digkiedidh, håalodh jïh åehpiedehtedh. Mujhtieh haarjanidh baakoeh jïh viehkie-dïrregh gaavnedh mah dåastoejasse, tseahkan jïh åssjelasse sjiehtieh. Jïh minngemosth: Goltelh!

Gosse sïjhth mubpide maam akt jiehtedh jallh sïjhth mubpiejgujmie soptsestalledh dellie datne gaskesadth. Maahtah njaalmeldh jïh tjaaleldh gaskesadtedh, baakoejgujmie, væhtajgujmie jallh bokstaavigujmie.